La Boassa

Ciambela che cresse in montagna,
che se nasa ma no se magna,
a olte in Lesinia ghe n'e' massa:
butei, mi ve conto dela boassa.

L'e' 'na siora paciocosa,
dele olte anca spussosa:
ansi, l'e' proprio 'na sioreta
che ponsa beata in meso al'erbeta!

La aceta ransignada la so' natura
che con ela l'e' sta' dura:
e ancaben la sa un po de udor,
dal cor ghe sponta sempre un fior.

La g'a' amighe afetuose
che i'e' mosche smerdose,
che con ciasso ronsante
le te averte: merda vagante!